好人好事 - 剛收到的，並得到同意分享！
你好呀SIMON,
睇完你個節目其實我都好大感觸!!!!
我想係度同你分享幾個月前一D我覺得幾開心既事!!
咁我兩年幾之前, 係大角咀開左一間TRADING 公司,
主要係做食物原材料供應比D食肆既,
有一日, 有一位樣貌有60歲既伯伯, 個樣好熟
佢上黎同我買5斤既水餃皮,
了解之後, 原來佢係大角咀開一間小食店,
都開左成十幾二十年, 係大角咀區既老字號, 我都幫襯過( 我住係大角咀都有十年)
呢兩幾年, 如事者, 佢每隔幾日就會買5斤既水餃皮。
驚訝既事, 係發生係第一年既農曆新年之後!!
佢問我做乜野D貨無加價既? 佢D供應商周圍都加左價, 你後生仔創業, 唔駛怕唔好意思加價WOR!!!!!
我聽到之後我個心戚戚然, 我自己覺得好感動...
其實D來貨價真係加左, 我賣緊比佢個價錢真係成本價黎, 我無錢賺的, 但係其實我都無LOSS的! 我都唔需送貨比佢. 因為我覺得佢老字號, 個伯伯都咁老都日日咁辛苦整小食比周圍街坊食, 又唔係咩大錢, 我唔駛賺佢啦
但係佢竟然會主動提出要加佢價... 佢話我做生意要EARN先得...
咁我厄佢話來貨價無升到呀, 叫佢放心就可以
佢之後幾個月又會提一次叫我加佢價.... 我都一直無加
直到上個月, 佢有日突然間拎左好多魚蛋呀, 兩隻新鮮炸起既雞脾比我食, 佢話你唔加我價, 我請你食雞脾...
個刻我真係唔知點樣形容好....呢兩年我做生意.. 只有比人壓價, 愈大既集團就會愈壓你價......但我無試過有客戶對我咁有人情味, 係個刻, 我諗我同你有少少相同既感受 ( 你感受應該會更加深!!!), 我覺得自己都應該為社會去出一分力:)!! 香港既中小企真係愈黎愈少, 老店不斷倒閉..睇到人都好心酸!!!
有一句我真係好認同你所講, 做生意係賺錢既同時, 都應該有責任去推動社會!!
我睇完你窮富翁大作戰個陣, 我真係覺得好感觸, 竟然仲會有大集團老闆識去講人情味... 同社會責任!!! 多謝你呀SIMON!!
多謝你睇完我分享咁大段野... 其實我都唔知自己想講咩, 哈哈
Search